Tupada

Naluha si Teban sa usok at abo. Hindi rin siya nakaiwas nang tumilamsik ang dugo mula sa pinungusang tandang. Sa lakas ng pagpupumiglas ng tandang, halos makaalpas ito sa pagkakayapos ni Greg.

Nataranta naman sina Popoy at Jun na humahangos mula sa basketball. Nagbiro pa si Jun na pumusta sa parang nagsasabong na mga balahibo, manok, tao. Nagkabitawan na nang tuluyan at wala nang makatukoy kung saan tumilapon ang tare na ginamit na pamputol ng palong.

Gayunpaman, pinilit kalmahin ni Teban ng sarili. Sinalo niya ang abo ng yosi habang nasisilaw sa papalapit bagay na makislap at matalim at matulis.